Terveh, ta hyvyä karjalan kielen päivyä! Karjalan kielen päivän ta netälin kunnivokši olen kerännyn teilä tukkuh kielimaterijalit, kumpaset ollah autettu milma karjalan kielen opaššunnašša. Kuottelin, jotta nämä neuvot oltais moisie, kumpasie kaikin voijah käyttyä varallisuoh kaččomatta. Panin listah niise kirjoja mitä šuau oššettuo, ka niitä šuattau löytyä kirjastoštaki. Tekstissä ollah vihriellä šuorat linkit netissä olijih materijaliloih, plikkuamalla piäšöy kaččelomah. Enšimäisekši kerron kielimaterijalit, kumpaset kosetah läs kaikkie murtehie, šiitä kerron eri murtehien tahi kielimuotojen opaššuntah liittyjät kielimaterijalit ta lopukši vielä ylehiset, miun mieleštä kaikkien kielien opaššuntah pättävät neuvot. Juohtunou šiula, lukija, vielä mitänih mieleh, työnnä miula viestie alahana kommentissa tahi Instagramissa. Miula olis tahto täyttyä tätä listua myöhempähki ta onnakko luatie blogih ihan oma alašivuki neuvoilla kun tarvinnou.
Kaikkie murtehie koskijat kielimaterijalit
• Päivännoušu-Šuomen yliopisson karjalan kielen elvytyšprojektin blogi
• Karjalan kielen elvytyšprojektin blogissa: luvettelo šanakirjoista
• Karjalan kielen elvytyšprojektin blogissa: karjalankieliset materijalit
• Karjalan kielen verkkošanakirja ta ohjavot šen käyttöh
• Karjalan Sivistysseuran verkkolaukasta šuau tilata ilmain makšuo: Pieni suomi-karjala šanakirja ta Karjalan kielen esite. Niissä on perustieloja, kummaisista voi olla hyvä aloittua kieleh opaštumini. Šamašta verkkolaukašta šuau muiteinki oštua karjalankielistä kirjua, kielioppikirjua ta esimerkikši kulttuurih liittyjyä kirjua.
• Pakinapirtit - Rekommentiiruičen mänömäh pakinapirttilöih kun ollou mahto. Kaikičči ei ole pakko paissa, toičči voi vain kuunnella. Kielikylyt ollah tärkie osa kieleh opaššuntua. Nyt pakinapirttilöi on ainaški Jovenšuušša, Piälinnašša, Tamberella, Oulušša, Kuopivošša, Jyväskyläššä, Lieksašša ta Nurmeksešša. Nämmis šuau tietuo tavan mukah @karjalazet Instagramista ta erähillä pakinapirttilöillä ollah jo omatki Instagramit. Jovenšuun pakinapirttilöistä (nuorien ta kaikkien) šuau tietuo elvytyšprojektin blogista. Lieksan ta Nurmeksen pakinapirttilöistä kerrotah @suojarvelazet tilillä.
• Karjalaine iäni -videosarja
• Musiikkie Spotifyšša: Loimolan voima, Burlakat, Ilmu, Veri, Myllärit, Io, Tsizoit, Eila Pöllänen, Zergeyth, Tulenlendo
• Musiikkie YouTubešša: Santtu Karhu ta talvisovat, Ondrei
• Youtubešša: Viestit Karjala
• Oma Mua -lehti
• Facebookissa: Opastummo karjalan kieleh / Karjalan kieli eläy / Elätit paistah karjalakse
• Instagramissa: @karjalan_elvytys / @karjalazet / @karjalansivistysseura / @pohjoisvienaseura / @nataliagiloeva / @muuttujalindu / @kokkorannanmauru / @jelenankera / @santra_karjalasta / @kazviloinke / @miemoikarjalakse / @meemitkarjalakse / @karjalaikad / @karjalahipsteri / @rainerysa / @juablokku / @suojarvelazet / @miun_elanda_karielaksi / @kuzipuzuri / @moiseinreeta / + äijän muita!
• Kotuksen nauhotearhiivašta šuau eččie pakautteluja esimerkikši šukunimen mukah. Mie iče olen šitä kautti löytän miun diedon muamon pakauttelun ta piäššyn kuuntelomah šitä. Kun painat linkkie, mäne alas ta šieltä avua linkki ''Nauhoitearkiston kokoelmatietokanta''.
• Karjalankieliset Wikipedijat: livvinkarjala / varsinaiskarjala (viena)
• VepKar (korpus), esimerkikši: Audiomap
• Novak, Penttonen, Ruuskanen, Siilin: Karjalan kieli kielioppilois - foneetiekan da morfolougien verdailu / Karjala kieliopeissa - fonetiikan ja morfologian vertaileva tutkimus
• Tävvel kielel: rajakarjalaismurteiden näytteet
• Karjalankielini lapsienkerho Kägözet Helsingissä (Instagram)
• Karjalan kieli ta kulttuuri kansalliskirjasson suomelaisešša verkkoarhiivašša (linkki)
• Tiktokissa löyvvät videoloi karjalakši esim. #karjalatiktok kautti
• Youtubešša Karaoke karjalakse
Vienankarjala
• Milan perehen päivä verkko-opaššušmaterijalit
• Kirjat: Lönnivuaran Eemeli, Lapšen kera karjalakši, Huoti-Tiätä, kišša ta koira
• Pekka Zaikov - Vienankarjalan kielioppi
• Facebookissa: Vienankarjalaini pakinaklupi
• Vienankarjalan ta kulttuurin kurššin materijalit (Karjalan Sivistysseuran sivuilla)
• Kotvaniekka Youtubessa
Suvikarjala/Varsinaiskarjala
• Katerina da Miša opassetah suvikarjalua
• Gostis -podcast (Spotify ta SoundCloud)
• Grammari 1 & Grammari 2, Karjalan bukvari, Sanari karjala-suomi
• Kirjat: Adaman gruunu (tämä kiännetty niise livvikši ta vienakši), Gruuga, Sunduga, Tuhkamukki, Propsimečästä kundasovetniekaksi
• Adaman gruunu muistokiza: löyvä kuva da sana + lapsilla oma versie
• Suojärven pitäjäseuran näytelmätekstikorpus (elvytyšprojektin blogissa)
• Oma Suojärvi -lehet (kirjutukšie piäasiešša šuomekši, ka še tämä kirjutuš niise karjalakši)
• Willanpää: satuja karjalaksi
Livvinkarjala
• Yle Uudizet karjalakse - kirjutettuna ta paistuna
• Meidy on olemas -kniiga
• Dorogu -trilogia: Veneh, Lindu ta Ilmu
• Kirjat: Muumi -kniigat, Peppi Pitkysukku -kniigat, Ozan tiedoiniekku, Alisan šeikkailut kummanmuas, Pieni prinsut
• Facebookissa: Livvinkarjalaine paginkluubu / Onginiekku da kalamuagari / Karjalazet tytit / Koirien elostu
• Raija Pyölin šanakirjat ta kielioppi Karjalan sivistysseuran verkkošivuilla
• Martti Penttonen: Karjal-suomi-karjal sanakniigu
Ylehiset neuvot
• Kuottele tuumaija mitein šiun ympärillä olijie esinehie kučutah karjalakši. Voit niise nimetä esinehie lappusien kera koissa.
• Kun tahtonet esimerkikši verbien taivutušmuotoja harjaitella, kirjuta net lappušella ta pane lappuni esillä kunnetahto, hoš peilih esimerkikši. Šiitä voit hoš hampahie pesseššä lukie taivutukšie.
• Pakaja toisien kera karjalakši kaikičči kun on mahto. Ei haittua hos tulou hairehie, tärkein tielo on jotta vain kuottelet paissa. Šuomen kielen (tahi mintah muun kielen) voi ottua apuh kun tarviččou.
• Ičellä iäneh pakajamini - Kuotelkua tätä! Še onnakko alkuh tuntuu kummalta, ka še on hyväččäini tapa opaštuo kieleh. Kuottele kertuo ičellä mimmoni šiun päivä oli tahi mitä meinuat ruatua tänäpiänä. Ičellä iäneh pakajamini voi rohkassuttoa pakajamah muitenki.
• Kirjuttamini tahi kiäntämini - Kirjuta hoš telefonin muistihpanoih ičellä mitä ruavoit tänäpiänä, tahi kuottele kiäntyä jokahini päivä minih pikkaraini virkeh karjalakši.